Como se prometeu no seu día, Brigantio estivo nos actos deportivos do finde máis deportivo do Betanzos máis deportivo. O día 20 estivo no porto para inmortalizar a festa do piragüismo, para a continuación pasar polo Carregal a ver a parte da antiguas glorias brigantinas do balompé, e finalmente rematar na festa das artes marciais no polideportivo.

Sen embargo, todo ese "traballo" non foi impedimento para que ó día seguinte Brigantio estivese no outro acto salientable do fin de semana, a XVI Carreira Popular de Betanzos. En "leer Más", algunha foto e algún que outro resultado.

Javi e Marcos do clube kick boxing Caneiros nun combate de exhibición

A calurosa tarde sabatina comezou para os tres eventos deportivos á mema hora, as 18 da tarde. Debido ó calor, o mellor era ir a darse unha volta pola ría, a ver o ambiente do "XXVI Trofeo Travesía Ría de Betanzos, no marco da XXIV Copa Xunta de Galicia nas categorías de cadete, júnior e sénior, organizado polo Club de Piragüismo Ría de Betanzos". Ainda que non nos consta que ningún deportista betanceiro acadase a victoria, polo visto no ambiente, parece que houbo un éxito de participación.

A continuación, un vistazo no Carregal, onde os que durante anos suaron sobre a súa pegañenta area, agora o facían, na súa madurez, sobre herba artificial no "X Trofeo San Roque de Veteranos de Fútbol no estadio do Carregal. O trofeo disputouse na modalidade de triangular, entre os equipos de Piadela, Betanzos Norte e Brigantium".

Nunca colgarán as botas....

Para finalizar a xornada deportiva, os aficcionados a repartir (en distintas modalidades) tiñan unha cita no pavillón municipal. Ademáis de exhibicións de Taekwondo e Capoeira, o prato forte estaba servido polos rapaces do clube Caneiros de kick boxing.

Entre combates poideronse ver distintas exhibicións, coma a de kick boxing feminino.

Un dos representates brigantinos que acadou a victoria foi Iago Fernández (pantalón vermello) no segundo dos combates da noite :

Outro dos combates máis "eléctricos" da noite foi o de Alejandro Sánchez "Monta". Pese a que a cousa estivo igualada, finalmente o betanceiro perdeu o combate a puntos.

A pesar de que houbo máis combates ó longo da noite, houbo que agardar ó de Alberto Sánchez "O'bo" para ver outra victoria local, esta vez con moita superioridade.

A víctima

Alberto "freado" polo árbitro

No último combate o pavillón vibrou coa actuación de Vicente Fernández. Cun comenzo arrollador por ambos contrincantes, o combate só durou un round por certas "artes" non escesivamente limpas do púxil visitante. Vicente rematou co brazo literalmente fora do sitio. Pese a todo, o pavillón, repleto de xente, coreou repetidamente e de forma atroadora o nome do coñecido boxeador local.

Domingo

A carreira do domingo prometía ser un éxito de participación e de ambiente, pero o tempo nesta ocasión estaba pola labor de non colaborar. Os amagos de choiva deixaron de ser amagos xa antes da carreira. Afortunadamente só unha tromba ó sair foi o único que tiveron que sufrir os valentes corredores. A carreira volveu a ser de Manute, gran dominador, meténdose 3 betanceiros entre os 10 primeiros. Aquí deixo un link a fotos da fiel fotógrafa betanceira Maridopi: fotos. E aquí, as clasificacións: clasificacións. Como anécdota, comentar que algún que outro tivo algún "despiste" e pillou algún que outro atallo. Por suposto deixo o graniño de area de brigantio para o evento, con un par de vídeos. O primeiro é un seguimento á carreira, centrado na xente brigantio. O segundo, un pequeno "pique" entre eles. Coa ambulacia preto, por se acaso.

Para rematar, lanzo a pregunta.... para cando outro fin de semana como éste??????????