Pois si, o título non está errado, volverá a haber un agosto con algo máis que orquestas neste rinconciño do mundo onde o máis parecido a unha actividade deportiva nos últimos 10 anos foi a homenaxe a Freire (con "iluminación" incluída, como ben recolle o reporteiro Alex na noticia anterior a ésta). Sen embargo, non hai que entusiasmarse, aclarar que será só durante un fin de semana, e non durante todo o mes como ocurría con torneos tan añorados como o San Roque. Que tempos nos que o Parrillada Carlos, Capitol ou Casa Segundo facían fronte ás hordas chegadas de Teixeiro ou Cesuras. Pero non hai que deixarse levar pola morriña, senón que haberá que conformarse con ese fin de semana que nos ofrece agosto, con actividades de kick boxing e a xa tradicional carreira popular.

Abrirán cartel os rapaces do Clube Caneiros kick Boxing de VicHente Fernández, o sábado día 20, a partires das 18 no pavillón municipal. Ademáis de combates de kick boxing (onde combatirán os mellores kickboxeadois da vila), haberá exhibición de Taikondo e Kapoeira. Dende logo algo moi recomendable en que pasar a tarde, sobre todo despois de coñecer os bos resultados que se acadaron en distintas categorías por rapaces do clube brigantino e, por se non fora suficiente, haberá diversos sorteos durante a velada.

Unha posible participante do torneo do día 20 "acariñando" un saco

O outro aliciente do fin de semana será a 16 carreira popular de Betanzos (como adianto á media maratón de novembro). Arrincarán as distintas categorias a partir das 11 do día 21 de agosto. A evento, en championchip no apartado de calendario, e as bases da inscripción na mesma páxina. Polo que se pode ler nos detalles da información, hai que andar prestos, que a inscripción está limitada a 150 participantes. Todos os participantes recibirán agasallos, e os tres primeiros de cada categoría acadarán trofeos. O recorrido presumiblemente será o de outros anos, 4 voltas (8800 metros) a un recorrido, que a grosso modo é Praza García Irmáns- Rúa travesa- Pescadería- Rúa Nova- Valdoncel- Sta. María- Ponte Vella (Tolerancia)- Os Ánxeles e de novo Praza García Irmáns.

O rival a bater: Manute, o gañador da última edición

Será polo tanto un curto pero intenso fin de semana deportivo betanceiro, onde se agarda participación da pobo betanceiro tanto nas probas como animando, que falta fará.

E brigantio estará alí para contalo.....