Aparentemente no concello non fan nada para entreter ó persoal. Aparentemente estamos nun concello sen vida, sen nada que facer máis que ir ás terracitas e rezar para que non choiva. Pero non. Estamos nun concello onde a aventura prima por enriba de todo. A continuación detállase a descripción do concurso "Arriesga tu vida en Betanzos", cuxo gañador podrá despilfarrar os euros do concello nunha viaxe turística a Collepasso. Trátase dun concurso onde só os máis fortes fisica e moralmente acadaran a meta. Pulsa "Leer Más..." para coñecer en que consiste.

Moi poucos chegarán ó final....

A proba arrincará na parte antiga do pobo, de calquera dos arcos do que queda de muralla, a elexir polo concursante. Despois o concursante deberá percorrer 4 rúas do casco antigo aleatoriamente, esquivando cascotes, balcóns e fachadas que caian ó seu paso. Para acreditar o paso polas 4 rúas, o concursante deberá de levar mostras de escombros de cada unha das rúas que recorra. Para  esta parte da proba é recomendable levar casco.

Un dos concursantes lixeiramente perdido no que podería ser calquera rúa do casco antigo

Se o garrido concursante supera a primeira proba, deberá realizar a non menos perigosa segunda proba. A mesma consiste en atravesar a rúa travesa e a porta da vila. Neste caso, o inxenuo concursante baixará a garda ó ver a sinalación de rúa peonil, pero o que non sabe é que se cruzará todo tipo de vehículos que deberá esquivar se quere chegar á seguinte proba. Só os máis avispados o conseguirán. Para superar esta proba hai que ter a moral de ferro.

Así pode acabar calquer concursante que baixe a garda tras ler "Rúa Peonil"

A terceira proba (para os que cheguen) será de destreza. Consistirá en atravesar sen caer o novo adoquinado da parte da praza entre as terrazas e a estrada que cruza o campo. Aquel que escorde un nocello será eliminado. Pódese escoller facer o traxecto polo adoquinado ou ben cruzar a estrada e ir pola praza esquivando ós autobuses e ás motos. Terá que ter en conta que neste caso, a pesar de que o traxecto é máis curto, o chan tamén empeza a estar machacado polo peso dos autobuses.

Este non conseguíu chegar nin ata o Capitol....

Chegado a este punto, os concursantes que queden en pe terán que facer fronte á proba estrela, onde xa non chega con ter a cabeza dura anticascotes, as pernas áxiles esquivavehículos ou os nocellos duros antiescordaduras. Agora cada concursante debe sacar o Holmes que leva dentro e resolver o maior enigma ó que se enfrontou o pobo dende que deixou de ser capital de provincia. O concursante que queira ir a Collepasso deberá descubrir.... onde están os baúles veronenses!!

Concursante da edición 2009 que se quedou así ó intentar resolver o enigma baulístico

En todo momento unha ambulancia estará pendente dos concursantes. Tamén haberá un posto de bebidas na praza (entre a parada do Calpita para Sada e o Arriva para Coruña, cando chegue un Alsa estará inactiva momentaneamente).

Finalmente procederase á entrega de premios, consistentes nunha viaxe a Collepasso coa alcadesa para o gañador e unha foto firmada da mesma para o segundo e terceiro clasificado.

Sorte para os que consigan acadar a meta, e ós demáis.... vémonos noutra vida.