Este domingo 22, ás 11, tódolos betanceiros teñen unha cita na praza do campo para correr a XV carreira popular de esta localidade. Outra cousa é que acudan todos. 

Para os que acudan, decir que o percorrido son 4 voltas ó seguinte circuíto urbán (intentareino explicar sen ter que recurrir a rueiros de google...):

A carreira sae na praza do campo, sube hacia a Porta da Vila e desvíase hacia a  Rúa Travesa. Ó final deste rúa, antes de chegar a Sta. María, cóllese hacia a Porta da Vila de novo. Unha vez alí, báixase ata a estrada e séguese todo o Valdoncel para, no arco da Ponte Nova, subir dende alí ata Sta. María. Dende alí bordéase toda a antiga muralla ata sair no arco da Ponte Nova. Tras pasar por Tolerancia e Ánxeles, súbese de novo á praza do campo.

Para apuntarse, pódese facelo o mesmo día de 9:30 a 10:30, ou na web:

http://www.cronotec.es/ (onde aparece inscrito o mesmísimo George Bush!) 

Tamén pódese ver máis información no apartado habilitado na carreira na páxina web de correrengalicia.org, se pinchas aquí. En concreto, no foro(pincha aquí) poderás ver información da carreira. Entre a información que ven, pódese ver o regulamento, que poderás ver aquí mesmo se pulsas en "Leer Más".

Ánimo, hai premios para todos!! (algúns especiais para os primeiros de cada categoría).

Asistentes asiduas á carreira de Betanzos

Un ano máis a xa tradicional patacada transcorreu sen incidentes no apartado lugar de Illobre. Aparte dalgunha novidade como as hamburguesas valentinianas e unha coción máis deficiente do normal dos tubérculos protagonistas, o único que intrigaba ós asistentes eran as negras nubes do ceo e o par de amagos de choiva que sufriron. A continuación conto (e ilustro con imaxes) o que deu a noite de si, e comentarei algunha das suxerencias (a maioría anónimas) que se escribiron no caderno deixado con tal fin.

Así comezou todo

Ainda que pareza mentira, aínda sigue habendo en Betanzos asociacións que se adican a organizar cousas para o lecer da xente. Unha delas é  o Club Btt Caimanes Betanzos que organiza ruteiros para facer en bicicleta de montaña. 

Un deles será a terceira edición da Ruta da Auga o próximo domingo 18 de xullo, que transcorre polos concellos de Paderne, Coirós, Irixoa e Betanzos e que ten tres variades de dificultade e dureza: Iniciación (22km), Ruta (43km) e Maratón (67km).

O precio de inscripción é de 15 euros ata o 12 de xullo (cifra que se incrementa 5 euros se a inscripción se fai máis tarde) máis os 8 euros do seguro. Contarase coa colaboración da policía e protección civil e avituallamento. Máis datos na páxina dos Caimanes, aquí. 

Pois nada, a animarse e así, ademáis de facer deporte e pasar un día polos nosos montes, contribuiredes a que organizacións como os Caimanes sigan facendo actividades deste tipo, vendo que poden contar coa participación da xente. Aquí deixo o carteliño.

Outra vez o patín e outra vez o Gales ofrecerán unha alternativa para saír da monotonía o venres 11 de xuño.

Un par de vídeos de B&B (Betanzos e Barcelona, dúas das mecas do Skate) farán as delicias dos aficcionados ó deporte das táboas con rodas. O evento está organizado polo brigantiono Jasava, que non cansa de facer o que os políticos de verdade deste pobo teñen prohibido para que a vida dos veciños sexa un pouco máis levadeira: traballar. 

Aquí deixo o cartel, por se alguén se decide finalmente a pasar polo Gales a ver uns vídeos de skate con sabor a Harley.

O que se viña rumoreando todas estas semanas semanas sobre o gran concerto no karre, por fin ocurrirá. Como algúns xa hai moito tempo que se cansaron de que os concelleiros só se movan para ir a cobrar a nómina, tiraron de contactos, xeneradores e algún centro comercial abandonado e organizaron o KARRE 4 LIFE. En concreto, os pais da criatura son os colaboradores habituais da páxina, os semi-administradores Jasava e Jovendemente. Será o vindeiro sábado 17 e terá actividades de skate e concerto, con barra para quen desexe tomar un piscolabis. O acceso será de balde. O cartel é o seguinte....

Para os que desexen comentar algo do evento, ademáis desta propia páxina (quizáis a oficial do acto), teñen un enlace nesa trapallada chamada facebook, pinchando aquí.

E para os máis  despistados, unha axuda para atopar o evento (preguntar polo pasatempo, o acto será detrás, ou simplemente guiarse polo barullo).

Ver Karre Skatepark en un mapa más grande

Aquí unha imaxe cos lugares máis destacados, para asegurarnos que ninguén se nos perda:

Dende aquí só nos queda desexar que saia todo ben, que non pase nada, que non acabe todo como no macrobotellón de informática, onde a xuventude desquiciada e imbécil mostrou de que é capaz. Esperemos ver a outra xuventude, a solidaria, participativa e constructiva, para que den ganas de repetir o evento e a nós de dar outra noticia do mesmo. Que Betanzos siga sendo un exemplo do que o pobo pode facer se hai ganas cando non hai ninguén disposto a facelo por él.