Fiesta

Primeira participión na carreira betanceira da xente Brigantio. Os catro participantes do equipo Brigantio -Alexito, Óscar, Pablo e Juan M (alias "Diego Villaverde") remataron a carreira e ningún acabou de último. A categoría dos catro, a máis competitiva, xa que era a masculina de entre 20 e 39 anos. Pódense ver varios links ás fotos da carreira aquí e aquí (creo que van a poñer máis, se tal amplío a noticia ou poño un comentario co novo link -actualización 08/09/09 aquí-) ,e a clasificación aquí (hai que seleccionar a carreira e a categoría correspondente). Se queres ver as fotos exclusivas Brigantio e unha pequena descripción da carreira, amplía a noticia.

Os Espartanos de Brigantio. As "nenazas" quedaron en casa.

A carreira comezaba no campo, dende a porta da vila íase por toda a Rúa Travesa; unha vez na pescadería, collíase dirección Rúa Nova, regresábase ó campo e dende alí baixábase ó Valdoncel. Dende o arco da ponte nova volvíase ó casco antigo pola zona de Sta. María, igrexa que se deixaba a man dereita na fonte do mesmo lugar para chegar bordeando a muralla ata o arco da ponte vella. Unha vez alí, pasábase toda a Tolerancia, Cañota, e de novo ó campo. 2200 metros. E así, 4 veces.

Polo que se pode ler nos foros, parece que é un trazado duro. A participación parece ser que foi máis curta que outros anos, pero non polo trazado, senon porque coincidía coa carreira de Sta. Cruz. É unha pena que non haxa máis coordinación en este tipo de eventos, e que en 20 km haxa dous. Deberían ser carreiras populares co máximo número de participantes, non unha competición para ver quen congrega máis. Foi unha pena non poder correr as dúas, xa que habería un gran ambiente sumando os participantes de ambas. Por outro lado, no propio Betanzos houbo que competir co concurso de hípica para recibir o alento do público. Demasiandas trabas para unha organización que nos demáis aspectos estivo impecable.

A continuación fago unha breve descripción gráfica do que foi a carreira para a Brigantio people, gracias ás reporteiras gráficas Bea-Laura. De seguro que para o ano que ven haberá moito máis que rexistrar xa que hai rumores de que incluso Conseman vai facer acto de presencia. E quen sabe, quizais o Diego Villaverde de verdade. Pero eso... é outra historia.

Antes de empezar, coas Chearl Leaders particulares:

Nesta vese a resignación polas "pintas" dos rivais:

E agora, en 4 pasos, a saída:

Sobre media hora despois (quizáis algo máis) ían chegando os bravos corredores. En orden de chegada temos a...

Pablo

Óscar

Juan

...e Alexito (que foi máis rápido ca cámara e só o conseguiron pillar sobrepasada a meta)

As recuperacións foron distintas:

Opción A, darse un paseo:

Opción B, recuperarse "en familia":

Opción C, facerse o graciosillo coas Chear Leaders:

Opción D, a máis típica... devorar unha bebida isotónica:

Opción E, a máis glamourosa, tumbarte e deixar que alguén recolla os teus restos:

Finalmente, e tras unha participación "digna" (ata conseguimos unha figurita por o noveno posto da categoría), conseguimos reunir forzas para sacar a foto de familia. Esperemos que se amplíe en próximas edicións.