Fiesta

Hai uns meses surdíu a boa (boiiiiisima) idea de poñer un servicio nocturno de buses para evitar que os rapaces tivesen que coller o coche para ir de marcha.

Nalgunhas vilas, sobre todo no entorno de Carballo e Laracha, converteuse en todo un éxito e probablemente xa salvou máis dunha vida que remataría antes de tempo no asfalto. Sen embargo hai vilas onde a xente se resiste a dar o paso e segue sen crer no tranporte público. Nun mundo onde a política de "no sin mi coche" prima por enriba de todas as demáis é imposible que estas medidas teñan éxito. É certo que a comodidade é maior no caso do pequeno turismo, pero acaso.... non é cómodo non ter que estar 30 minutos buscando onde aparcar??..... non é cómodo poder vir no autobús sen medo a quedarse durmido ou poder estar tomando o que se queira sen medo a que se dé positivo no control de turno??

Outra pega que se lle podía atopar a esta medida no entorno Coruña-Betanzos é o horario. O derradeiro bus ven da Coruña ás 3, o cal non da moito xogo a non ser que se vaia ver unha peli (ideal xa que o bus para na praza de Ourense, preto duns coñecidos cines) ou de tapeo coa intención de vir cedo. Este servicio trátase do habitual dun sábado, proporcionado pola empresa Cal Pita.

Sen embargo, o que me levou a escribir esto foi que o pasado venres "santo" se facilitaron buses (cuio billete está escaneado abaixo) que viñan ás 1:30 e ás 5:00 directamente dende Coruña, cun pequeno rodeo por Santa Cristina, e o "éxito" foi tal que chegaría cun taxi para cubrir o servizo. O bus que veu ás 5 (hora habitual para concluír a "saída") trouxo a frioleira de ... 2 persoas!!!

Poderíase botar a culpa á información, pero neste caso o anuncio estaba en algún periódico e nun céntrico corcho da praza da vila. Nestes tempos en que non se fai case nada ben, deberíase de intentar aproveitar estas medidas que obviamente, en vista do éxito, non van ser duradeiras. Pero bueno, o dito, sempre quedará coller o coche que evita que andemos uns metros (se nos pode deixar na porta do pub, mellor) e se nos pasamos cun par de copiñas, pois na, sempre hai algún que coñece algunha pista onde non atoparemos a ningún poli que se cruce no noso camiño, pero quizais si algún coitadiño que tivo a mala sorte de cruzarse cun paisano que levaba unhas copas de máis....